Van Gaal មិនយល់ ហេតុអ្វីអ្នកគាំទ្រនាំគ្នាស្រែកខ្លាំងៗថា ប្រយុទ្ធ ប្រយុទ្ធ ប្រយុទ្ធ!
07-December-2015 | ដោយ មួយឡា
គ្រូបង្វឹក Louis Van Gaal របស់ក្លឹបបិសាចក្រហម Manchester United បាននិយាយថា គាត់មិនយល់នោះទេថាហេតុអ្វីបានជាអ្នកគាំទ្រររបស់ក្លឹបមួយនេះ នាំគ្នាស្រែកខ្លាំងៗឱ្យប្រយុទ្ធ ខណៈពេលដែលក្លឹប Man Utd ប្រកួតស្មើរ 0-0 ជាមួយនឹងក្លឹប West Ham នៅទឹកដី Old Trafford ។
ពេលនេះ ក្លឹប Man Utd បានធ្លាក់ទៅចំណាត់ថ្នាក់លេខ 4 ហើយ នៅ Premier League ។ លោក Van Gaal បន្ថែមថាគាត់ពិតជាខកចិត្តដែលមិនអាចយកឈ្នះក្លឹប West Ham បាន ប៉ុន្តែគាត់ឆ្ងល់ថាហេតុអ្វីបានជាអ្នកគាំទ្រមិនព្រមនៅស្ងៀម និងអត់ធ្មត់ក្នុងការទស្សនាការប្រកួតនេះ។ ខ្ញុំមិនយល់នោះទេថា ហេតុអ្វីបានជាពួកគេស្រែកថា ប្រយុទ្ធ ប្រយុទ្ធ ប្រយុទ្ធ ដូច្នេះ។ អ្នកគាំទ្ររពិតជាធ្វើឱ្យខ្ញុំខកចិត្ត ព្រោះធាតុពិតមិនថាខ្ញុំ ឬកីឡាករគ្រប់រូបតែងតែចង់រកគ្រាប់បាល់បានគ្រប់នាទី ប៉ុន្តែយើងមិនអាចធ្វើបាន។
ខ្ញុំគិតថាប្រសិនបើយើងអាចរកគ្រាប់បាល់បាននោះ អ្នកគាំទ្ររពិតជារំភើបរីករាយណាស់ ហើយពួកគេនឹងស្រែកហ៊ោទៀត ប៉ុន្តែយើងមិនអាចរកគ្រាប់បាល់បានទេពួកគេគួរតែស្ងាត់ និងអត់ធ្មត់។ ឱកាសគ្រប់គ្រងបាល់ច្រើន មិនមែនជាឱកាសរកគ្រាប់បាល់បានច្រើននោះទេ។ ពេលខ្លះការស្រែកហ៊ោអាចធ្វើឱ្យកីឡាករបាល់ទាត់ភាន់ភាំងបានផងដែរ ។ ការប្រកួតនេះថ្ងៃនេះមិនមែនដឹងតែថាក្លឹប Man Utd អាចរកគ្រាប់បាល់បាននោះទេ ក្លឹប West Ham ក៏អាចរកគ្រាប់បាល់បានដែរ។ ដូចនេះយើងត្រូវលេងម៉ត់ចត់ និងអត់ធ្មត់ជាទីបំផុត៕
ប្រភព៖ goal , sportkh
ចំនួនអ្នកទស្សនា
- ថ្ងៃនេះ6061
- ម្សិលមិញ12561
- សប្តាហ៍នេះ34011
- ខែនេះ55891
- ឆ្នាំនេះ55891
- សរុប20498347